Allgemeines
Hier stehen aktuelle Informationen.
Für Anregungen und Berichte können
Sie
sich gerne an
-
Ludwig Gügel -
ludwig.guegel@web.de
oder an
Klaus Möller -
klaus@moeller-forchheim.de
wenden.
Wenn Ihr eine
aktuelle Spielerliste mit Telefonnummer und e-Mail möchtet, bitte eine
kurze e-Mail an Klaus Möller.
_______________________________________________________________________________
Führung 2009
Alles bleibt
beim ALTEN.
_______________________________________________________________________________
AH-Rückblick
2008
Fensderbreddla
Impressionen zur AH für des Johr 2008 (heuer mol auf frängisch)
– die ann sógn a „Berichd“ däzuu
Edsädla mussi amol a
weng a Gschichd däzelln wos denn in unserä AH so alläs Gloffn is. Des ganza
Drama fengd ja imma mit unsern Hallendurnier ó. Do schbilln wie die ganzn Johr
scho dävor a Haufn Junga und genauso vill Alta in der Gymnasiumhall wie die
Verrüggdn Fussbóll. Obbä ned genuch dämidd is unsern Roland a nu eigfalln, däss
des ned alläs sei ko. Mir müssn des Ganza ausweidn, wall a Dooch is a weng weng
und wemmä zwaa Dooch schbilln könnädn, donn wer doch des a subbä Sach. Gsochd –
Geddó.
Am 25. und 26 Jannuar
homm´ä donn des Gansa mol in die Daad umgsedsd. Und ihr glaabsd ned, des wor a
subbä Sach. No ja, edds müssmäs hald wiederholn.
No ja, so is des Johr
losganga.
Wie donn noch der
Winderbause zum Schbilln auf unsä schöna Blädds in Burk ganga wär, hom die
Binzbercher gleich mol abgsochd. Des is doch a ka Ohrd, oddä!
 No
ja, wie donn unser Drähnä Korla gsochd - Haubdzach nedd verloorn.
Wos donn inn dä laufenden Sesson gloffn is wor donn a nedd vill bessä, die ann
homm des Schbiel verlechd, die annän homms gleich obgsochd – und die, die gmaand
homm sie könnän gechä uns gwinna, die homm endweder tatsächli gwunna, oddä a
verlorn – so wie unsä Kumbel und Weinfäsd-schbedsialisdn aus Buddenhamm. Des
Vorschbiel homm si nu midd 6:4 gwunna, obbä des Rüggschbiel mit 9:1 verlorn. Des
is doch a Billans- oddä!
Ach so, fassd hedd iis vägessn – die grössdn Schbedsialisdn senn ja die
Forchheimer Germanen. Die wolln a 100 Johr Feier machen und vägässn ihr eigenes
Durnier. Blöd gloffn – öddä!
 Zum
gsellschafdlichen Asbeggd in der Burger AH köhrd a weng wos däzelld.
So semmä donn am Vorrädooch midd die Fohrrädä noch Amlingstodd auf´n Bierkeller
gfohrn. Des wor obbä nix gscheids – deswegn semmä donn da-hamm eikehrd und homm
uns do a glanna Dröhnung verpassd. A er-folgreicher Dooch!Zum Berchwandern, wos
die Alden Herrn so gern machen gibbs heuer a weng wenger zu däzelln. Die ann
homm obgsochd und die annän senn ned miid und zu gudä ledsd hodds an haufn
gschneid und midd´n laafn wors donn a nix mehr.
Die Burger Kerwa löffd
do scho a weng annäschd ob. Vier Dooch Halli Galli und donn nu a Weinfäsd – wer
soll des blos aushaldn! Die Aldn Herrn vom FC Burk machen des ja scho fassd
berufsmäsich und kein Schwein dengd os aufhörn.
 Zum
Johresend, wenn des Hallendraining widdä o fengd gehds donn wie immer naufn
Schaufel sein Keller zum Bonnakernäassn - außer a mol, du wu
der Obgebrennd is
wall dä Brandl midd sein Hund schbodsiern ganga is.
Unser
Johresobschlussfeier, die wie immer am Vordooch zu Heilich drei Könich
schdodd-finded, driffd sie die ganse AH im Schbordheim um übä des Johr dävor
noch-dengn zu könna.
Auszuch aus dem
Alldooch der AH anhand vo die Schbrüch, die so immä falln:
- „Servus Büddi, wie hossd gschbilld – Ich hobb gwunna wie
immer,
ich schbil ja middn Mayer zamm.“
- „Wenn dä Erich indä
Duschn singd, donn gfellds sogor denn Seitzla
in unsera Monnschafd.“
- Unser Neuzugang- dä
Ernsd dengd er is scho indegrierd, blos wall ä
middn Dsangl als Obäpfälser gut ko,
ob so gans stimmds nedd, wall
die Zeiln konnä nonni fliesend lesn.
No ja, so is hald in unsära AH in
Burk
-
| ![[Firmenlogo-Bild]](images/smallnew.gif){kind=small}
